女神配對計劃｜林澤謙被淘汰獲讚雖敗猶榮 Bob爆前一晚撩轉移目標一原因遭婉拒

文: 羅志宏

2小時前

TVB真人騷戀綜《女神配對計劃》昨晚（17日）一集，向來被視為競爭激烈的葉蒨文（Sophie）組別，最終「大隻仔」林澤謙（Him）被葉蒨文親手淘汰。林澤謙被淘汰前向女神Sophie表忠，坦白說出自己的心意，獲不少網民大讚雖敗猶榮。而金牌媒人林盛斌（Bob）更爆料前一晚撩阿Him轉對象，豈料因為一個原因遭婉拒！

GM有得留低冧爆甜笑

向來被視為競爭激烈的Sophie組，雖然曾展望GM看似由頭帶到尾，但林澤謙Him及林堡熙Eddie完全沒有退縮，情願被淘汰也要向女神Sophie表忠，Him：「我唔轉組嘅原因係，我唯一嘅選擇就係Sophie」、Eddie：「鍾意就鍾意啦，點會有得轉架呢？」到了被淘汰前一刻，三人爭取機會「最後告白」，當中只有GM成功令Sophie冧爆甜笑，有得留低亦是意料之內。

點擊圖片放大

林澤謙被淘汰獲讚雖敗猶榮

Sophie為GM配戴「進級鏈墜」時，忍不住甜回：「Gm，我冇你符呀真係」，事後Sophie亦坦言只要「對住GM就好想笑」。最終Sophie宣布淘汰Him：「我好欣賞我初初撳燈見到嗰個你…好多謝你最後鼓起勇氣同我講你想講嘅嘢」Sophie說畢即為Him除下心動頸鏈，之後終忍不住流下不捨之淚：「除頸鏈嗰吓，我有片段係見番我幫佢戴嗰吓，原來好多嘢都幾入肉幾入腦，我冇諗過係咁大感受」。

點擊圖片放大

Bob爆前一晚撩轉移目標一原因遭婉拒

大方離場的Him，事後亦有在IG留言：「參加嘅時候記得有一條問題要填：五位女神你想選擇邊個？到個幕打開要選擇嗰一刻，再到最後出Camp前，其實我嘅答案一直都只有一個…多謝你。」「金牌媒人」林盛斌Bob亦有留言，並大讚阿Him夠型夠真心：「我仲記得之前嗰一晚再好清楚咁樣問多你一次，不如轉對象啦，但係你話唔會...雖敗猶榮...真心respect」。