港男工作20年突然被裁員！公司畀兩條路：即走 VS 減薪留守！事主揀OO惹熱議

20年老員工突遭裁員 公司畀兩條路：即走或減薪留守

該名打工仔於Facebook群組「裁員炒人消息關注組」發帖，指自己年過50歲，在同一間公司工作了整整20年。早前公司突然進行大規模裁員，他亦難逃被裁命運，現時公司只提供兩個選擇，一是即時離職；二是接受減薪三分之一，留守三個月後再走。

樓主坦言，自己家庭經濟壓力沉重，實在無法一下子失去收入，最終只好選擇了第二條路，「留多一日得一日，冇辦法我家庭有好大負擔」，字裏行間滿是無奈。

支持樓主派：呢三個月可以慢慢搵工

帖文引起極大關注，短短幾日已超過六百名網民留言支持與分析。部分網民認同樓主的選擇，「hea住做，搵到工就走」、「緊係留喇，個3個月睇下誰怕誰」、「呢啲時勢，最緊要有錢繼續生活」，甚至有留言笑言：「減3分1糧咪做3分2嘢囉」。

亦有聲音指出，現時經濟環境惡劣，裁員潮、聘用外勞問題夾擊，年過五十再轉工確實不易，紛紛建議樓主要善用這三個月找新的工作，「既然揀咗2，就hea do + sick leave + 去搵工」。

▼網民點講▼

+7

+6

點擊圖片放大

主張離職派：點會難搵到工

不過，更多網民認為樓主應堅決離職，拒絕接受減薪安排，並批評公司此舉等同「羞辱」員工，「點解要俾你剝削？」、「即走，呢啲咁羞辱嘅條款，不留也罷」。亦有人指出「只要唔怕辛苦唔揀擇，其實冇話搵唔到嘢做」，並建議樓主主動出擊，離職前先面試夜更工作、兼職，方便之後日間騰出時間見工。

網民分析風險：揀2蝕到入肉

有網民理性分析兩個選項的利弊，指出選擇減薪留下，最終可能影響遣散賠償金額，提醒樓主應清楚計算風險，「你返三個月蝕足三四年賠償」、「月薪少左3份1之後先計長期服務金，公司賠少好多」。另有網民質疑公司誠信，「到時公司老闆會唔會走佬，最後咩都攞唔返，而家經濟咁差，比我一定攞咗錢先」。

此外，有正面聲音鼓勵樓主不要放棄，認為五十多歲未算太大年紀，「50+都唔算大啦，你一直都返緊工，其實真係唔難搵工」、「正如樓上都有師兄都講，睇吓你要求d咩，就算騎牛搵馬都一樣可以捱得過」、「5字頭保安員講黎好後生，考牌勁快」。

▼網民留言▼

+10

+9

點擊圖片放大

網民質疑真實性　樓主親自回應：我都唔想係真

留言中，亦有網民質疑事件真偽，直斥：「老作死開啲啦」、「大家唔好信呢啲係真post啦，邊度有離職前自願減薪？遣散費即刻賠少好多」。對此，樓主亦有現身留言反駁，強調事件屬實，並非虛構：「是我求公司有冇方法，最後公司畀我多一條路，我也好想是老作，但這是我的事實」。

他坦言，自己並非不清楚減薪對賠償有影響，但無奈現實所迫人，難以即時離職，「我知，但我為了自己的家，冇計，家中好大負擔，年紀又大」。他又提到，身邊不少同事早於去年底被裁，但至今仍未找到新工作，並無奈道：「（搵工）冇咁易，我啲同事都搵唔到工，因為年紀大」。至於遣散安排，他表示會進一步向人事部查詢清楚。

來源：FB@裁員炒人消息關注組