千禧年後，我們一起經歷過這十件香港事

文：DL

千禧年後，香港經歷了很多大小事，終於係跌跌撞撞之中走到今日。以下這十件香港事，我們都一齊經歷過，甚至曾參與其中，唔知你又記得幾多呢？

1. 戴口罩！清潔！ 停課！

2003年沙士襲港使全城陷入恐慌！無可否認沙士係香港人心中最重要的一役，當時香港被列入役區，電視台每日公佈死亡人數，城中人人自危，清潔、洗手、戴口罩，港人衛生意識從未如此高漲。雖然當時情況極差：經濟下滑、病情未明、政治混亂，但港人在此極困難之時卻展現出前所未有的團結，最終戰勝病魔，香港人，勁呀！

如果個陣你仲係位學生，你一定會好開心，因為可以放假放到天荒地老。不過後期放假放得多，就會好想返學，很掛念學校的一切。但我就慘啲，因為我當年因為沙士而無得去畢業營，嗚呀！

2. 七一大遊行

2003年還發生了另一大事——七一大遊行。

當年七一，香港人都忍唔住站出來！廿三條、經濟不景、沙士慘況，無一不是上街的條件，最於造就了五十萬人逼爆港島的情景。大家一齊高呼：「老董下台！」當年的你唔知又係邊呢？

3. 看風箏飛多遠未斷線

2005年《大長今》在香港播出後。引起了前所未有的熱潮！李英愛瞬間成為香港無人不曉的大名星，大長今結局當日收視高達50點，創下了香港收視神話。就連我學校都用《大長今》做勵志教材。崔今英、中宗、鄭尚宮呢啲角色名，大家仲記唔記得呢？後來仲有動畫版，不過睇睇下決定放棄！經典之所以係經典，在於其他作品難以超越正典。

4. 他約我去迪士尼

「畢生也願記起，香港迪士尼，煙火璀璨夜晚定會很美。」2005年迪迪尼開幕，香港人從此多了個拍拖好去處！但記唔記得一開始時接待内地遊客的場面？媽呀，太混亂了！時至今日，迪迪尼都仲係講普通話多過廣東話。但其實迪士尼開幕又關我咩事喎，唔通得自己一個人去玩咩……

5. 裸照事件

2008年陳冠希同女星爆出淫照事件，在全球華人社區引起大風波；加上foxy盛行，更令整件事發展得一發不可收拾！其實我當時諗唔明，兩人明明就係受害者，點解會係個受害者出來道歉同受人指罵？只怪我當時真係太天真同太傻，無法理解。

6. 中國主辦奧運

哇，我地偉大的祖國舉辦2008年奧運，達成了幾千年來的夢想。香港仲有份辦馬術比賽，真係巧開心呀！禾當時日日係電視前支持國家隊，中國隊加油！

7. 8.23 人質慘劇

2010年8月23日，我坐在電視前一言不發，場面至今依然歷歷在目。但願死者在天之靈能安息。

8. 政府派錢

哇哇哇，財爺派錢呀！見住隔離澳門年年都派一萬幾千，終於都輪到香港人喇！2011年個6000蚊，大家應該都用晒喇？到了往後每年的施政報告，大家都好期待會再派錢。不過，想想就好了……

9. 豬狼相對

「你呃人，唔好講大話！」2012年，當時我係電視前睇辯論直播，花生一地都係，黑材料日日新鮮，仲好睇過cctvb啲電視劇。

10. 香港人撐起雨傘

2014年9月28日，震驚世界的一天。無須多言，大家懂的。

一起重溫：

- 《遊客為港打氣　「請把這份勇氣傳向世界」》
- 《「世界上最斯文的抗議？」 外國媒體予以港人讚美》