北區街市買餸疑遇上打斧頭 買3樣平民食材竟要成舊水！網友嚇窒：D蔥係東京飛過黎？

3樣蔬菜要價近百元？港人驚呼：宜家街市買菜咁貴...

樓主在帖文中大吐苦水，指今月初去上水石湖墟街市買餸，購買了三棵京蔥、一包小黃菜及兩條青瓜，但結帳金額卻令他大嚇一跳，三樣普通蔬菜竟要價$94，他更附上街市手寫單據以及當日購買的食材照片。

從照片見到，單據清楚列出購買日期為2025年10月5日，分別購買了京蔥1斤2兩（$54）、小黃菜1包（$20）、青瓜1斤4兩6（$20），總金額$94。樓主也忍不住驚呼：「乜宜家街市買菜咁貴㗎咩，咁就成舊水」。

網友怒轟離譜：接近搶

不少網民對單據上的價格感到震驚，直指「接近搶」、「真係貴得離譜」、「食水太深」，甚至質疑「係咪比人呃啊」。有人指出，京蔥、小黃菜在一般超市僅需$20至$30左右，而單據卻顯示$54和$20，明顯超出常理。

點擊看網民留言

+8

+7

點擊圖片放大

網民逐項分析單據內容

部分網民逐項分析購買清單，認為青瓜價格尚算合理，但京蔥、小黃菜單價卻貴得離譜，直言「娃娃菜幾蚊包咋喎」、「3條蔥收你54蚊？D蔥係東京飛過黎架？」、「京蔥你咁細條，冇可能呢個價」。

點擊看網民留言

+2

點擊圖片放大

普遍網民認為整張單據價格明顯高出市價，質疑攤販是否刻意抬價，「20-22左右啦，全部最普通既野假單？」、「呢間嘢擺明呃人啦，喺惠康買$30以下」，甚至質疑是工人姐姐買餸疑似「打斧頭」。

網民質疑是工人姐姐買餸「打斧頭」

• 工人姐姐俾你？
• 係咪工人姐姐買餸？
• 你個工人姐姐都幾狼死㗎喎
• 去超市買就呃唔到啦，手寫單你預佢打斧頭，但呢單打太深了

樓主澄清非工人姐姐代買

面對網民質疑是工人姐姐買餸「打斧頭」，樓主在留言中澄清，並非委託工人姐姐去街市購買，但未解釋為何三樣蔬菜竟花近百元，僅表示「而家係四倍喎差唔多，呢單嘢應該要報東張」。

網民分析高價原因

部分網民推測樓主高價買餸原因，有人指出當日香港受颱風「麥德姆」影響，也許是天氣因素才導致菜價上升；亦有網民指出，年輕人不熟悉市價，街市買餸容易被「呃秤」或遭檔主「劏客」。另有人從單據字跡分析，指出京蔥$54的標價與日期的「5」字寫法明顯不同，暗示攤販可能標錯價格或隨意加價。

網民分析原因

點擊圖片放大

來源：Facebook@嘻嘻哈哈香港人想約你食早午晚餐