平均車速得33km/h？5個你可能不知的港鐵數字

咩話？原來地鐵行得咁慢？唔止咁！原來地鐵仲有好多野，可能係你都唔知，入嚟睇下喇！

1. 地鐵平均車速：33km/h

原來地鐵四綫（即觀塘綫、荃灣線、港島綫、將軍澳綫）的平均車速，只有33km/h，係全部地鐵線路之中最慢。

至於東鐵就快少少，平均車速有50km/h。最快嘅係東涌綫同機場快綫，平均車速高達80km/h。香港站同站之間距離咁短，未加速就要減速，慢少少都唔出奇。講多少少，原來電車平均有10km/h！

2. 東鐵綫列車比觀塘綫長一半

東鐵綫列車長達292公尺，但觀塘綫只有183公尺。唔講都唔知，原來兩者差咁遠。

3. 一卡車最多坐到三百幾人

一卡車原來最多有45個座位及272個企位，即一共可載317個人。以觀塘綫八卡車廂計，共可載2536人，等於兩間中學嘅人數！

4. 港鐵每日載客量多過香港一半人口

唔講唔知，原來港鐵每日載客量高達450萬人次，你今日搭咗未？

5. 港鐵列車來自6個國家

估唔到港鐵列車都咁國際化！這六個國家，包括：日本、韓國、英國、西班牙及澳洲，最後當然唔少得中國。你坐緊嘅列車，都係從千里而來。

以上資料全都可在港鐵刊物、網站搵得到。