9月乸、10月公！食大閘蟹前要知道的13件事
文：cc
10月就快到，月餅都未食完，已經要趕住食大閘蟹啦！坊間愈來愈多地方有得買大閘蟹，不熟識的話小則被騙買貴蟹，大則痾嘔肚痛。小編為了令廣大讀者食得精明一點（加上自己想食蟹），特意在陽澄湖開湖捕獲大閘蟹之時去到蘇州，訪問當地蟹農，食蟹前就看看以下跟大閘蟹相關的小知識吧！
養蟹
1. 大閘蟹的一般來自陽澄湖、太湖，近年外國亦開始設有養殖場。
2. 一隻靚的大閘蟹會脫殼6-7次，每換一次殼就大隻一點。
3. 大閘蟹會食魚仔，有傳聞陽澄湖大閘蟹的蟹膏較黃，是因為他們吃粟米。
4. 陽澄湖的湖水是活水，干不斷流動，所以比其他湖清澈，蟹的品質自然較好（轉述自陽澄湖蟹農，信不信由你）
5. 今年4月的溫度轉變快而大，大閘蟹的收成下降，大蟹會貴一點啊！
揀蟹
1. 放於雪櫃內的大閘蟹會處於「睡眠狀態」，用手指輕輕篤一篤蟹殼，反應多少可反映新鮮、生猛程度。（被店員罵的話不要說是小編教的）
2. 自己買蟹回家煮的話，可以留意一下大閘蟹有沒有扣着「防偽戒指」。
3. 可利用戒指致電供應商查證大閘蟹的真偽。不過，原來網上都有賣假的「防偽戒指」，不用$1已經有一個…買蟹還是幫襯一些有信譽的商店吧！
4. 公蟹較大隻，蟹肚有一個三角形；而母蟹較細隻，蟹肚呈圓形。（留意紅圈部分）
食蟹
1. 雌蟹的蟹膏較實、味道較香，質地有點似蛋黃，；而公蟹的膏就稀一點，看起來較澎湃，打孖食一公一乸就最好不過！
公：
母：
2. 雌蟹比公蟹早成熟，9月先食乸，10月中打後再食公吧！
3. 香港人一般都會蒸蟹，原來上海某些地區習慣用滾水烚。（小編覺得好浪費呢…）
4. 食用時配上薑茶可以去除寒氣，或者喝點黃酒都不錯。（這些酒一般都比較烈，要慢慢飲啊~）
>>>>> 即看各間餐廳供應的大閘蟹套餐
港生活人氣本地熱話
【送禮🎁】送Esther Bunny春日好物🐰！
↓ 登記免費帶走可愛折疊傘 x 保溫杯 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
