還原公屋｜房署主任要求還原廁所一配件！稱未換要賠$3513！網民：呢個咁值錢咩

廁所水龍頭還原費竟高達四位數？

有港人於Facebook群組「公屋討論區」發帖求助，指月底需交還單位予房屋署。早前房署主任上門檢查時，指出廚房水龍頭「並非原裝」，要求他在交房前必須復原，否則將收取$3513還原費。

事主坦言，「我聽到要賠3×××，我都嚇一跳，主任話一定要還原同收樓時一樣嘅樣」，他亦曾到附近五金舖尋找，卻被店家告知「依家水龍頭已經出晒新款，呢個款已經無咗好多年」。面對難以尋到同款水龍頭，事主感到無助，只好在網上求助：「請問各位知唔知道邊度可以買到呢？謝謝！」

現時事主家中水龍頭款式

點擊圖片放大

房署要求還原款式

點擊圖片放大

天價賠償嚇窒網民：呢個龍頭咁值錢咩？

帖文曝光後，大批網民表示震驚，紛紛留言「一個龍頭三千幾，同搶冇分別」、「呢隻歷史文物咁貴嘅」、「要一模一樣？咁好難搵」。亦有人質疑房署要求不合理，「就算同公屋住戶換，都唔會換返呢一個款啦」、「依家房處都係換呢一隻俾人」。

點擊看網友留言

+7

+6

點擊圖片放大

事主澄清無改動喉管

有網民提醒事主先向房署查問清楚，「有咩可能咁貴，3千幾蚊，問清楚」。也有人推測房署或誤以為他曾改動喉管，「佢似當你改左喉，所以收埋你水喉復位費用和水龍頭錢」。面對質疑，事主補充指居住單位逾20年，從未改動喉管，「只係拆左隻廚房門同換左個坐廁，基本所有野都無郁過，就連廁所洗手盆下面我都無整過」。

網民教咁做 淘寶、鴨寮街、承辦商都可能有

不少網民提供方法幫手尋找舊款水龍頭，包括到淘寶、拼多多搜尋，或到大型五金舖、鴨寮街碰碰運氣。也有人建議事主直接向屋邨工程人員查問，「著住工衣幫住戶維修嗰啲，問下就得，乜都有得還原」。

網民教路

+3

+2

點擊圖片放大

熱心網友願出售同款 結局神翻轉...

其後有熱心網友留言指自己家中正好仍有同款水龍頭，願意轉讓。事主聞言即回覆：「可否賣給我呢？但係唔同色都唔知主任收唔收貨」，對方則建議他先向主任確認。

事隔一日，樓主再更新進度，表示已在媽媽家裡找到同款水龍頭，「終於揾到千年文中物水嚨頭，可以換佢依個俾房署收貨了，多謝各位朋友幫忙」。

來源：Facebook@公屋討論區