試真D｜江美儀內地實測網紅超市「紅黑榜」試食三大騎呢食物結果出人意表

美儀領軍實測網紅超市「紅黑榜」食物

節目中美儀姐、周嘉洛、朱敏瀚（朱仔）與曾展望（GM）於深圳分別實測住宿、湯水專門店及網紅超市「紅黑榜」食物。在三大實測行動中，美儀姐和朱仔及GM實測網紅超市「紅黑榜」（紅榜讚，黑榜彈）的食物，結果竟然相當出人意表！

可能紅榜的食物太受歡迎，他們只找到稱聲減脂期間也能吃的「芝士豬肉法包」，黑榜則有三大「Kam」食品：「姬松茸牛肉酥餅」、「芋泥鹹蛋肉鬆小貝」及「檸檬酸辣去骨鳳爪」。先說紅榜「芝士豬肉法包」，三位實測員直指「未食之前覺得佢好乾」、「麵包香嘅，但我覺得如果焗番熱會好食好多」，有讚有彈，但明顯未覺驚艷。

黑榜試食結果出人意表

之後到黑榜食物，先說「姬松茸牛肉酥餅」，三人針對坊間「過甜」及「過油」兩大負評進行點評，三人一嚟先係狂讚：「好多料呀」、「望落靚仔喎」，朱仔更指：「又冇個評論講得咁差嘅。如果同個包對比，我寧願食呢一個」，「食家」美儀姐亦點頭認同：「佢係偏甜，但我覺得唔油，冇講得咁差嘅。」有彈有平反，足證唔係為踩而踩。

至於「芋泥鹹蛋肉鬆小貝」及「檸檬酸辣去骨鳳爪」，GM直指「芋泥夾蛋黃好Kam」:「就好似你將燒肉同芝士蛋糕同時一齊食」、「洗潔精味喎」，並認為「黑」得有道理。