公屋突擊家訪升級？職員入屋檢查睡房、廚廁兼畫圖！網民猜測遭惡意舉報：你肯定係有好街坊

公屋突擊家訪再升級？職員逐房檢查兼畫平面圖

有港人於Facebook群組「公屋討論區」發帖，表示近日接受房屋署突擊家訪時，發現檢查程序與以往有所不同。他指出，以往職員只會在門口核對所有住戶身份證便完成程序，但今次則「直頭入屋睇晒房、廚房、廁所，再畫圖？」雖然其家庭並無任何違規情況，但仍對今次巡查方式感到好奇，因此發文詢問其他住戶是否有相同經歷，「純分享及好奇」。

樓主其後在留言補充，透露一家人居於沙田水泉澳邨，並表示居住多年來一直只曾接受門外家訪，今次卻是首次有職員入屋詳細檢查，「我住咁耐一次家訪出面，今次星期日入嚟真係入晒屋，大睇每間房，問、畫圖，再入廁所、廚房...」。

入屋檢查已屬常見做法 網民：主要查有否違規改裝

帖文引起不少網民討論，不少人表示對有關安排見怪不怪，指近年房屋署家訪已加入入屋巡查及繪畫平面圖程序，「呢幾年，耐唔耐都有家訪要畫圖，唔使擔心」、「一向都入嚟畫圖」、「配合就得啦，家訪係正常架，有咩問題呢？」

亦有網民指出，房屋署職員有權突擊巡查及入屋檢查，主要目的是了解單位有否非法改裝，例如拆除間隔、改動甲類裝置、防火門等，如發現違規便會要求住戶還原。有留言認為，自從過往發生拆除主力牆事件後，房屋署對公屋結構安全的巡查已較以往嚴格，入屋檢查亦有助防止單位被濫用或長期丟空。

網民留言

• 呢幾年，耐唔耐都有家訪要畫圖，唔使擔心
• 一向都入嚟畫圖
• 配合就得啦，家訪係正常架，有咩問題呢？
• 房署職員係有權突擊巡查及入屋
• 有！睇你有冇改裝，拆門拆盛，有就出信還原
• 如果係拆咗甲類裝置就要即刻還原
• 自從有拆主力牆事件後，所有公屋都要檢查、畫圖、檢查廚房防火門
• 入屋查下都好，起碼睇佢入面會否係當渡假屋，真係留返啲資源比有需要嘅人

過來人分享經歷 稱曾被要求開雪櫃、拍攝全屋

不少有家訪經驗的網民亦分享自身經歷，表示一般家訪未必會入屋，但每隔約兩年或涉及檢查單位有否非法改裝時，職員便會入屋巡查及繪畫平面圖。亦有人透露，曾遇過房屋署職員要求查看雪櫃，甚至拍攝全屋情況，「連牙刷、底褲、衣櫃都要打開畀佢影」，以確認單位是否有人實際居住。

即睇網民分享

+5

+4

點擊圖片放大

有人推測涉遭舉報？網民：你肯定係有好街坊

不過，亦有部分網民推測，樓主今次遭詳細檢查，或與有人舉報有關，紛紛留言表示「你呢種係俾人舉報」、「收到隔離投訴，問清楚你幾時喺屋企，跟住就嚟」、「你肯定係有好街坊」、「應該有人舉報」。

亦有人提到，近年房屋署推出舉報濫用公屋獎勵機制，認為或令市民舉報個案增加，因此部分單位可能因接獲投訴而安排較深入的巡查。不過，上述說法僅屬網民推測，樓主則未有表示曾收到房屋署通知涉及任何投訴或違規個案。

網民留言

+6

+5

點擊圖片放大

可以拒絕職員入屋？房署條例咁講...

留言中，亦有網民表示：「死都唔畀入」、「佢租咗間屋畀你，就係你私人地方，佢冇權入屋」。不過，亦有其他網民提醒，若拒絕配合房屋署人員執行職務，或有機會影響租約及觸及屋邨管理規定，建議住戶先了解相關安排。

根據房屋署「屋邨管理扣分制」，在「違例即被扣分」項目中，第19項列明，「抗拒或阻礙房委會或其授權的人士依照《房屋條例》或其他法定要求或房委會所制定的政策執行職務」，屬可被即時扣分的違例事項。若住戶在兩年內累積被扣16分，其租約／暫准證可被終止。

點擊圖片放大

來源：Facebook@公屋討論區、房屋署