懶人都煲到！中醫推介去暗瘡湯水焗茶

成面粒粒好苦惱？睇睇以下食譜幫到你！首先問問自己有無以下徵狀呢？一．體質偏熱（青春期更甚），即係大家成日講既熱氣；二．食得太多辛辣肥膩野；三．壓力大、夜訓等令肝氣郁結。以上三種都係暗瘡形成既元兇，想解決暗瘡問題最緊要對症下藥。今日就教大家兩款簡單花茶及薏米水，等大家係屋企都可以輕鬆清熱！

>> 生暗瘡未必熱氣！暗瘡位置原來暗示身體毛病

一．菊花綠茶

材料：杭菊10克、綠茶茶包1個

做法：將兩種材料放入杯中，浸泡十分鐘即成。可重覆沖泡。

功效：清散風熱，對泛紅小粒暗瘡尤為有效。

適用者：容易口乾或口渴，大便不暢順者

不適用者：怕冷或易胃痛人士、經期女性、孕婦

二．綠豆薏米水

材料：綠豆30克、薏米30克、陳皮2角

做法：預先將陳皮浸泡發脹，將2公升清水加到鍋中，放入材料，煲1.5小時。

功效：清熱化濕，對泛紅小粒有膿頭暗瘡尤為有效。

適用者：口臭，便秘者

不適用者：怕冷人士、經期女性、孕婦

以上兩款焗茶及薏米水所需材料非常簡單，定期飲用加上良好生活習慣就事半功倍啦！

資料來源：何潔慧中醫師