梁詠琪演唱會尾場眼濕濕 唱《花火》悼念離世歌迷

文: Ling Kwok
2018.05.07

梁詠琪完成了兩場「梁詠琪《好時辰》世界巡迴演唱會 2018 香港站」,她在演唱會唱了不少經典大熱歌,例如《灰姑娘》、《花火》、《他喜歡的是你》等等,勾起不少人回憶。原來兩場演唱會都有不少感動位!

Gigi在頭場表示有留意時事,認為廣東話是母語:「返到嚟香港梗係要講廣東話,廣東話係我嘅母語,今晚我會盡情唱廣東歌畀大家聽﹗」

另外Gigi在演唱會也大曬溫情,當她唱《My Little Sofia》時,螢幕見到坐在觀眾席上的老公Sergio及囡囡Sofia。

見到囡囡挨著爸爸身上,Gigi溫柔地問囡囡是否累了,老公就點頭代答。

就算囡囡睇騷好攰,Gigi都在大家面前發放愛的宣言:「我心目中都有個女神,佢就係Sofia,係呢幾年佢帶咗好多歡樂畀我!」歌迷聽到都好warm!

仲大曬一家三口全家福!好Sweet!

來到尾場,梁詠琪唱《花火》,原來這首歌是送給已離世的歌迷。

她說:「有位叫棗子嘅歌迷由上海嚟香港睇我嘅演唱會,可惜我今日啱啱知道佢嚟唔到,因為佢離開咗呢個世界。棗子,我知道你聽到的,我把這首歌送給你。」就到此時,Gigi眼泛淚光,場面令人感動。

得知歌迷離世後,Gigi非常感觸:「我覺得係呢二十年,好似一個揸住貨車嘅車長,有啲乘客一開始上咗車,有啲人中途落咗車,有啲人又再上車,有啲就從來都冇落過車,我呢架貨車開咗二十幾年,同大家一齊望住唔同嘅風景,大家同我一齊行過呢二十年嘅路,我覺得一切都好值得,你哋每一位對我都好重要,我都希望唔會失去任何一位。」Gigi再次哽咽。

因為歌迷離世,Gigi表示心情需要調整,所以她最希望歌迷可以身體健康。

圈中有不少好友到場支持梁詠琪,包括楊千嬅、楊采妮、周秀娜、黃偉文、泳兒、AGA等。

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓