麥玲玲醒你 辦公室醒水開運秘訣！

1. 水種富貴竹旺文昌

辦公室擺多啲綠色植物當然可以增加生氣，想Sure Win就一定唔少得水種富貴竹！豬年文昌星喺正北，向住呢個方位擺放4枝富貴竹，同時記得keep住夠水養住佢，唔止象徵地位步步高升，對創作、文職一族更有特別幫助，事業好快更上一層樓啦！

2. 鮮花旺人緣

如果你從事銷售或需要良好人際網絡嘅工作，咁你就要放啲鮮花催旺人緣！基本上大部分水種鮮花都有催旺桃花嘅作用，只要放喺豬年桃花星飛臨嘅正西方位，人緣就會更加如魚得水！記得要定時幫啲花淋水、換水，千祈咪搞到啲花頭耷耷，否則仕途都會有影響！

3. 吸水象催旺業績

所謂「山管人丁水管財」，如果辦公室座位望海，不妨喺枱頭放一隻「吸水象」對住個海，幫你招財添運！冇海景嘅你都唔使咁灰，枱頭自己放一杯水，再加「吸水象」對住，一樣有助提升業績，正財收入更加豐滿

4. 工作椅要有依靠

如果自己喺Office嘅座位對正其他房門、通道，或者位處走廊尾，一般都比較受沖，份工都唔太穩陣！呢個情況就要「自製靠山」，最簡單就係椅背長期放一件黃色衫，咁就坐得穩穩陣陣，煞氣冇有怕！

同場加映：終極開運法寶 - 全新博士倫Biotrue 1-DAY全舒適散光CON

玲玲師傅再醒你終極開運法寶 -全新博士倫Biotrue 1-DAY全舒適散光CON - 畀你貼身使用，包你做嘢醒目過人、老細至錫係你呀～佢有最高2倍淚水穩定力，即使長時間戴住CON對住個mon都能夠保持水潤舒適，減少出現眼乾不適嘅問題。加上散光定位快而準增加鏡片嘅穩定性，睇嘢又準又清晰，實可以開返個大運喇！

資料由客戶提供