兒子想食菠蘿炒飯味雪條 港媽竟答應一齊整 網民冇彈劣食反讚：成件事好溫馨
近日有一個Facebook專頁，給予一些家長日常生活中所煮的暗黑料理。早前有位港爸因為老婆工人都不在家，於是製作「橙味飯」予子女，引起網民熱話。近日又有家長自創新口味雪條，就是菠蘿炒飯雪條。
Facebook專頁「Day Day Explode日日爆」每日都會分享不同家長的「暗黑料理」，除了早前港爸特製的「橙味飯」外，近日有位港媽分享自己的「菠蘿炒飯味雪條」。
點擊圖片放大
該港媽留言：「有個三歲小朋友好中意食雪條，又中意食菠蘿炒飯。有日問佢想食咩味嘅雪條，佢話想食菠蘿炒飯味。咁啱雪櫃有隔夜飯同菠蘿，就決定同小朋友一齊做波蘿炒飯雪條。材料有白飯、罐頭菠蘿、雞蛋、豬肉鬆（小朋友超中意）、提子乾、芝麻、椰青水、黃薑粉、咖哩粉同糖。首先跟足食譜炒左個菠蘿炒飯先（但唔落鹽），攤凍之後加椰汁同糖再倒落雪條模雪過夜。結果非常成功，小朋友好開心。其實味道唔差（exactly菠蘿炒飯味），有啲似紅豆雪條嘅口感同嚼頭。食完好似食左碗飯咁，氹唔食飯嘅小朋友一流。大家都可以試下。」
點擊圖片放大
版主見到港媽傑作，都大讚媽媽肯聽小朋友訴求：「當我阿媽話食飯要趁熱食……呢個阿媽真係有聽小朋友講架！」雖然「菠蘿炒飯味雪條」聽下去很像暗黑料理，而且更似劣食，但普遍網民對這味甜品沒有負面評價，而且大讚港媽會聆聽小朋友的意見：「我好欣賞呢位家長，佢冇同一般家長一樣 foul 咗個小朋友嘅 idea，反而同佢一齊整一齊試，呢件事好 warm！」而且多年後也可以當是回憶跟小朋友分享，是一件開心事。
港生活人氣本地熱話
【🎁免費送】HIZERO 輕量級F300潔地機！
↓簡單兩步登記贏清潔神隊友！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
