【學神出沒注意】P牌陳嘉倩揸車超驚險被轟態度差 撞毀鐵欄險硬撼巴士 網民嘲馬路炸彈

前新聞主播陳嘉倩離巢恢復自由身後,不時參演ViuTV節目,包括與蘇民峰主持旅遊節目等等。最近她出演ViuTV節目《學神出沒注意》,直言自己是新手上路,還有半年才「甩P」。早前考獲駕照的她原來目前只揸過三次車出街,而且合計不足1小時。

陳嘉倩在節目接受駕駛挑戰,包括上高速公路及泊車等環節。導演為了安全起見,安排了駕駛拍檔Alex在旁跟車。雖然有人傍實,但駕駛經驗尚淺的陳嘉倩仍相當迷茫,連自己已上高速公路亦不知道,要靠Alex提醒。

片段出街後隨即引來網民熱議,不少人都狠批陳嘉欣駕駛態度輕佻惡劣,罔顧道路安全,猶如「馬路炸彈」:「我睇完先至知原來考到車牌都係同初哥冇分別,仲要態度輕佻,其實咪以為高速公路揸得慢無事,隨時後面嘅車撞到佢,佢一踩油又隨時推左架巴士落山,一轉出黎唔讓車,連common sense 都冇 都唔講話露肩短裙搏好感,淨係人無事已經好好嗎?好恐怖好反感」。

陳嘉倩在路上左搖右擺,不時與旁邊的私家車及巴士擦身而過,可謂險象環生。而她更差點與一架巴士迎面硬撼,最後要Alex出手扭軚才得以避免意外,巴士司機亦一度停下來。

不少網民表示睇到「一額汗」:「與巴士擦身而過果幕最嚇人,真係會死架大姐」、「講真冇撞到架巴士同人真係好彩,睇到巴士個幕真係嚇一嚇,明白節目拍呢個節目既用意,但係都要顧及其他道路使用者既安全,呢條女駕駛態度極差,揸車就揸車啦,咁多野講,完全將道路安全置之不理,唔該節目組一係就唔好比佢出馬路,一係補夠鐘先出啦。琴日真係睇到火都嚟」、「好嬲多過好笑!手車流都唔算最大問題,駕駛態度差先恐怖;建議佢唔好揸車當係為人為己。」

陳嘉倩發現在高速公路上不少司機爬頭後都回頭望自己,於是問Alex那些司機是不是在看著自己:「點解呢?其實我有咩咁特別,我揸得好唔穩咩?」。Alex就表示「可能特別慢」。陳嘉倩解釋指自己曾經開到時速70公里,Alex就反駁只有一下開到70公里,陳嘉倩就表示「咁我踩油比你睇」

不少網民表示無言:「慢都算...直頭係馬路炸彈...睇到個心都離一離」、「其實 P 牌慢真係唔緊要,但我理解唔到點解要霸住條中線。啲大車要犯規喺左線爬頭之餘,線感弱喺中間行嚇親仲會兩邊司機(行慢線都係嚇一條線)。而且,除咗爬頭之外,快速公路係應該靠左駛」、「人地唔係望你靚女,係你揸到出哂線,左搖右擺,睇下咩人揸車炸!大佬,唔好揸車出街害人,做節目都要有駕駛者應該既態度,要安全駕駛呀」

其後陳嘉倩挑戰泊車,節目組為了考驗其真正泊車技術,所以安排Alex落車。不過Alex擔心她應付不了,在車身旁邊跑步傍實。陳嘉倩見狀就忍不住望向側邊:「追星呀你!瘋狂粉絲」,話音一落就撞上停車場的鐵欄,場面驚險。Alex忍不住問陳嘉倩「你睇唔到呢度有碌柱?」,陳嘉倩表示「我睇唔到,你一離開就咁樣囉」。

之後Alex上前善後,不過陳嘉倩未有落車查看,只是問「咁點算呀」。該幕同樣引來網民批評:「成日話睇唔到呢樣睇唔到個樣,不如驗左眼先再補鐘?」、「佢未落車,你仲夠薑喺車頭執泵把,個下先堅」、「呢位陳小姐好似撞完人架車,由頭到尾都冇講過半句對唔住或者唔好意思的心態先恐怖!真心自戀到一個點,定係造馬的節目效果呢」、「好自high其說一句“瘋狂fans”!99(台)咁樣就out bud (超出預算)收皮...撞柱女神下凡,出沒注意」

最後節目安排陳嘉倩找教車師傅補鐘,身穿緊身衫配短裙的她向師傅放電:「你覺得我有冇天份」,又表示「我專登著短裙嚟」。此言令教車師傅摸不著頭腦,只表示短裙對駕駛技術沒有幫助。隨後陳嘉倩與師傅一齊揸車,師傅教導期間她翹起雙手,令師傅忍不住出聲表示這是不正確的。


來源:ViuTV、IG@陳嘉倩
立刻訂閱Telegram優惠頻道:

全新功能《優惠日曆》登場!

↓即刻入App睇盡即日/未來7日Chill抵優惠↓

即刻入App睇盡即日/未來7日Chill抵優惠

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠