潮什麼 梁芷珮和老公結婚17周年 19歲一見鍾情 主動出擊追求老公
昨日（2月21日) 是38歲旅遊逹人梁芷珮 (Christy) 和老公Kenneth結婚17周年，去年Christy一家五口前往冰島旅行兼慶祝結婚周年，今年因疫情只好留港慶祝。Christy連續2日在IG放閃，上載和老公的甜蜜合照，慶祝這段17年的「玫瑰婚」，她寫著：「我哋真係每日一齊，做乜嘢都一齊，因為由十七年前嘅今日嫁畀佢開始，佢應承每日要畀我24小時黐住佢，畀我唔停嘅煩音煩住佢！咁煩得，抵我愛足你十七年and more！2.21.21結婚十七周年！」
梁芷珮和老公Kenneth結祝結婚17周年。(圖片 : 梁芷珮IG）
去年一家五口到冰島旅行，順道慶祝周年紀念。(圖片 : 梁芷珮IG）
Christy確實沒有誇張，她與老公Kenneth多年來都有影皆雙！Christy幕前做主持，老公幕後擔任攝影師，夫妻檔走遍天南地北，成功製作出一系列《潮什麼》旅遊節目，深受觀眾歡迎，是大家眼中的「黃金組合」。Christy接受本網專訪分享夫妻之道：「講堅我哋係日日對住，有時我同老公會po合照上網，連啲網民都忍唔住話『你哋又一齊呀？』因為我哋工作性質而一齊、做運動又一齊，連湊小朋友都一齊！所以好自然所有嘢都一齊囉，點樣可以『保鮮』？雖然已經結婚17年，但我仲係好愛佢，仲好有拍拖嘅感覺呀！兩夫妻相處最重要係你要接受佢嘅好，亦都要接受佢嘅壞，唔好將你想要嘅嘢，令到對方一定要變成咁 ; 即係好似你個人做嘢好快，佢好慢嘅，你就試下自己變慢啲，去接受唔同嘅嘢囉！其實時間耐咗大家都會慢慢適應到對方嘅節奏。」
Christy一講老公仍然難掩甜蜜，大呼「好愛佢」，原來當年她對老公是一見鍾情的：「當年我19歲，係朋友介紹我哋識嘅，佢冇追我，係我追佢嘅，我第一眼見到佢已經好鍾意佢，佢啱啱喺加拿大返香港，又唔係好識中文，去到茶餐廳，我好似人肉翻譯機咁，好多嘢都幫佢做翻釋，又覺得佢好得意，好鍾意佢囉！」之後拍拖一年多，便決定結婚，轉眼間已經17年。Christy稱原定今年如往年一樣，成家人會在冰島慶祝，「去年已經計劃繼續帶團去冰島，但疫情未完，所以都冇得去，今年就係工作中度過啦！另外我接咗一項慈善活動工作，就叫埋老公同囡囡一齊陪我開工，當係陪住我過呢個結婚周年 ; 咁因為知道要開工，之前一晚我哋兩公婆都出咗去食飯，二人世界慶祝咗先！」
（↓點擊圖片放大↓）
Christy被不少女士們視為「人生勝利組」，既嫁到一個愛錫自己老公，又生了3個小朋友，大仔Brendan已經16歲、二仔和細女分別是9歲和7歲。兩公婆又經常工作寓娛樂 ，一家五口周遊列國帶小朋友去認識世界不同文化，不只追求書本上的分數。喜歡運動的Christyfit到爆，不時在旅遊影片中穿上比堅尼，大騷馬甲線，身段仲好過後生女，贏晒！
撰文：衛紫敏
港生活人氣娛樂新聞
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
