掃街都可以食得飽?土瓜灣街頭小食天堂除了有魚蛋,仲有乜乜乜

2015.04.07

舊時落旺角掃街,因為無錢想食平啲;今時今日掃街,要食得飽,分分鐘貴過入餐廳食餐飯。

識掃街當然唔去旺區同遊客迫住掃啦,今期周圍遊帶你走入土瓜灣社區,搵出隱世好味雞蛋仔及咖哩魚蛋等街頭小食,$50以內包你食到飽一飽! 

 

第 1 站 小食部 最原始的雞蛋仔

最近雞蛋仔非常hit,有破格的雞蛋仔雪糕,亦都有日式抹茶紅豆雞蛋仔,味道見人見智。

如果你同小妹一樣,鍾情於最原始的味道,你應該會喜歡「小食部」所賣的雞蛋仔!小食部唔走花巧路線,只售原味,外層香脆,無硬崩崩的感覺;裡面則似蛋糕仔一樣軟腍腍,僅僅熟,最重要係只賣十蚊,價錢合理!

 

小食部位置: 

http://hk.ulifestyle.com.hk/spot/detail.html?id=ABdGDVozBwpZEgNu

即睇全文介紹

第 2 站 日昇小食 新鮮熱辣香煎韮菜餅

日昇售賣多款小食,包括大眾都愛的魚蛋、燒賣、撈麵等,亦有市面上少有的煎韮菜餅,價錢實惠。多款小食中以韮菜餅最吸引,十蚊有四件,即叫即煎熱辣辣,輕輕咬一啖,嘩,韮菜餡都會爆汁!

一定要趁熱食,攤凍的話韮菜餅就會變得又乾又厚。  
 
日昇小食位置: 
即睇全文介紹

第 3 站 榮幸小食檔 招牌麻辣咖哩白魚蛋

榮幸小食檔的招牌有三樣:一. 紅色大招牌、二. 咖哩和滷水白魚蛋、三. 親切的老闆娘。

榮幸的咖喱白魚蛋特別受街坊歡迎,咖哩分普通及麻辣兩種口味,小妹極力推薦食得辣的你要試試麻辣咖哩白魚蛋,夠麻夠香,而魚蛋亦大大粒好彈牙,七蚊五粒!

榮幸小食檔位置:
http://hk.ulifestyle.com.hk/spot/detail.html?id=ABdGDVo3Bw5ZEQNv 

即睇全文介紹

第 4 站 世紀椰汁 白雪雪、軟綿綿椰子汁

掃街掃到半路中途口渴,飲咩好?

行幾步去到位於譚公道世紀士多,飲番杯新鮮椰汁吧!有別於坊間的果汁鋪,世紀士多唔用現成罐頭,而用大量椰子肉打成新鮮椰漿,加上少少淡奶和糖,甜度唔高但椰子味香濃,解渴最啱,$8一大杯!

世紀椰汁位置:
http://hk.ulifestyle.com.hk/spot/detail.html?id=ABdGDVo3Bw5ZEQNs 

即睇全文介紹

第 5 站 譚公道小食初記 抵食飽肚煎釀三寶

掃街最忌食唔飽,最後一站去到譚公道初記,務求塞滿你個胃!

10蚊五件煎釀三寶實在買少見少,雖然選擇唔多,但勝在大件夾抵食,仲可以任加食煎釀三寶必備的甜豉油呢,炸物中以紅腸最好味!

譚公道小食初記位置:
http://hk.ulifestyle.com.hk/spot/detail.html?id=ABdGDlo1BwJZHgNo

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓