正在閱讀
【年宵2019】一文睇晒5大年宵花市!10大精選豬年新春產品

【年宵2019】一文睇晒5大年宵花市!10大精選豬年新春產品

2019.02.02

話咁快又到農曆新年,新年當然要去年宵花市行大運,感受一下新年氣氛啦!今年年宵市場將於2019年1月30日至2019年2月5日(即農曆年初一清晨)舉行,為期七天。適逄豬年,年宵市場內有多款得意又搞鬼的豬仔精品公仔,今次就為大家在港九新界多個年宵市場內精心挑選了10個有趣的攤檔,睇啱不妨買隻豬仔應下節啦~

珍珠奶茶就飲得多,珍豬奶茶又見過未?位於銅鑼灣維園年宵的珍豬母攤檔售賣多款攬枕,其中最得意的就係一大隻豬仔在珍珠奶茶杯頂($228),仲有多款珍珠甜品攬枕,同樣有隻為食豬喺上面,非常吸引!另外印有豬仔日常的Tote bag都唔錯架~

即睇全文介紹
即睇全文介紹

豬仔士多同樣位於維園年宵,其中午餐豬($198)和豬古力牛奶($188)攬枕好受歡迎,另一款豬仔薯片攬枕($298)內有4個不同造型的豬仔公仔,仲可以拎出嚟玩!

即睇全文介紹
即睇全文介紹

同樣位於維園年宵的堅系朱豬s,將多個經典卡通人物變身豬仔,包括有蠟筆小新、多啦A夢、小丸子、龍珠、美少女戰士等等,售賣的產品有布袋($68)、貼紙($98)。另外仲有香港特色小食媽咪麵同魷魚絲的豬仔版文件夾($20),童年回憶返晒黎!

即睇全文介紹
即睇全文介紹

除了維園年宵,旺角花墟年宵都有好多得意精品!「文德豬寶店」由聖文德書院的學生經營,售賣多款不同造型的豬仔公仔擺設,肥嘟嘟好可愛!大家經過不妨支持下這一班學生哥!

即睇全文介紹
即睇全文介紹

旺角花墟年宵內的「豬肥屋潤」攤檔售賣多款自家設計的豬仔錢罌,不同搞鬼造型錢罌有齊一家大小的豬仔,豬仔身上仲印有不同祝福語,如掌上明珠、豬事順利、豬肥屋潤、我愛豬妻等,買一個儲起啲利是錢一流~另外仲有Tote bag同豬仔風車賣,行過可以留意下!

即睇全文介紹
即睇全文介紹

近期豬仔耳仔帽非常流行,旺角花墟年宵內「挽豬格格」攤檔都買到!只要按一下帽子,一雙耳仔就會郁,好可愛!另外仲有其他豬仔主題產品包括豬屁股暖手枕同豬仔利是封等。

即睇全文介紹
即睇全文介紹

長沙灣/深水埗年宵內有不少香港插畫家的攤檔,當中包括人氣大大與小妹、本地插畫家業餘空少飛Sun等等,去開記得支持一下啦!

即睇全文介紹
即睇全文介紹

位於元朗年宵的Pig pig ice cream售賣多款由小朋友親自設計的攬枕,表情好豐富,有心心眼、打氣樣、嬲嬲樣等,攬枕更是以小朋友本人做設計藍本,只此一家!另外亦有豬仔雪糕筒的公仔($168),豬仔大頭攬枕($128),全部都好可愛!

即睇全文介紹
即睇全文介紹

未買賀年裝飾的朋友可以去觀塘年宵117號攤擋睇睇,攤檔有多款原創揮春,上面有唔少潮語,如「科科攞A」、「食極唔肥」、「發到豬頭」、「撈咩都掂」、「衝34」、「出pool成功」等,相當有新意!

即睇全文介紹
即睇全文介紹

《學是學非》粉絲就一定要支持一下由一班節目主持人開設的觀塘年宵攤檔,商品不但印有一眾「是非精」的樣貌,購買產品仲有機會同主持人合照!當然唔少得多款豬年精品,如攬枕、風車、豬仔頭套、地墊等,粉絲記得去支持下啦!

即睇全文介紹
即睇全文介紹

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠