新聞女王佘詩曼｜TVB台慶劇《新聞女王》劇情高潮迭起，日前（24日）一集Man姐（佘詩曼飾）與佐治（馬國明飾）就茶果嶺「思覺大叔」持刀事件報道手法發生激烈爭論，Man姐在「表演」前向佐治拋下的一句「等我教多你一次咩叫直播」成功先後熱爆內地及香港，佘詩曼的主播Tone更獲讚似方健儀，獲洗版式推舉阿佘榮膺視后無誤。
第五集劇情中，Man姐（佘詩曼飾）堅決反對嘩眾取寵兼堅持新聞是「educate」而不是「entertain」觀眾！Man姐在主播台向佐治拋下的一句「等我教多你一次咩叫直播」，於討論區獲洗版式留言喪讚Man姐：「好寸好有型」、「動作語氣都好型」、「揸筆嗰下型到」、「佘詩曼型到癲」、「霸氣直播」、「阿佘一出現即刻壓到成個場」、「阿佘笑容都有霸氣」、「阿佘眼神好識做戲」、「全年所有劇無人同阿佘有得鬥」、「真心視后」。
而阿佘昔日《金枝慾孽》中好拍檔「玉瑩小主」黎姿，亦有在阿佘Ig留言：「好型呀！我要睇」，足證小主也被阿佘成功圈粉。至於阿佘現任拍檔馬明則留言扮驚驚：「Man姐發火，非同小可」。
對於阿佘再晒主播Tone，網民亦瘋狂留言讚好，不枉阿佘早於開劇前半年已為主播語調做定功課，網民留言：「佢應該練咗好耐，真係報導得十足方健儀咁樣」、「佘詩做主播，瞌埋眼聽，幾可亂真」、「佘詩搣甩雞仔聲，壓低把聲同時做到高低起伏，配合語速改變，出嚟效果真係好似主播」。
談到阿佘憑Man姐熱爆香港及內地，劇集總監製鍾澍佳受訪時坦言「冇阿佘冇Man姐」，並大爆阿佘私下也是大姐大：「佘詩曼對所有的演員，她都特別照顧，譬如她看到你今天咳嗽，明天就會給你帶藥水，她不會說太多話，但對你的關心是直接用行動表現出來，這一點已經是文慧心的特質了，外冷內熱。」
除了Man姐，劇集其他角色亦相繼彈出，以本集個案人物「思覺大叔」（李國麟飾）及其女兒莎莎（陳楨怡飾）為例，雖然出場不多，兩人均甚有發揮，演繹精神病漢入木三分、眼神姿態俱甚是像真的李國麟，獲留言大讚真演技：「今集國麟哥好亮眼，幾場戲突顯功力」、「呢啲真係真演技」。
而仍是新人的陳楨怡，短短數幕便玩勻飛車、喪跑、崩潰爆喊及被挾持等，其中一幕與高海寧在山上狂奔，還大晒牛奶肌及逆天長腿，獲網民大讚「驚艷」、靚女兼演技躍進：「陳楨怡做得好唔錯」、「陳楨怡幾靚，演技幾自然」，她與李國麟的父女情亦獲讚感動。
對於喜獲正評，陳楨怡坦言開心：「今次角色出現時間唔長、但好大挑戰，因為情緒起伏大，全部場口都好激動。」楨怡又感激李國麟幫忙入戲：「佢好有經驗，好快令我相信佢係我爸爸。其實我一入屋見到佢拎住刀，已經忍唔住喊。」談到被李國麟以刀子抵住條頸，楨怡笑言由於刀子有一定危險性，所以李國麟才比她更害怕：「麟哥驚真係整到我，但鏡頭又要影到佢『厄』落去先至真實，又要配合好多嘢，所以大家拍時都好緊張，果場戲其實拍到出晒汗。」
新聞女王第五集｜角色金句
張家妍：「今日第一課：新聞一日未完 一日都唔可以放棄」
張家妍：「記者嘅工作係紀錄唔係參與」
Man姐：「冇位畀對手入，先叫贏」
Man姐：「如果要將新聞娛樂化嘅，咁不如執咗個新聞台佢啦」
Man姐：「悶咪悶咯，（新聞）做得深入都有佢嘅價值」
Man姐：「我好清楚自己做緊乜，呢part唔係entertain觀眾」
Man姐：「責任你就唔想負，權你就想攞盡，邊有咁著數架？」
Man姐：「等我教多你一次咩叫直播!」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
