《東張西望》女主持經常要出外景，日曬雨淋非常辛苦，就算化妝幾靚都一樣會融。何沛珈近排她頻頻分享自己的素顏照，她表示不是天生麗質，大方分享自己的平價護膚心得。
同場加映：全民造星V丨香胤宅愧對粉絲親解未簽約苦衷 用舞蹈說故事流露對太太愛意
何沛珈在《東張西望》中絕對是搏命的一員，無論是爬上山還是殺入垃圾屋，她都無畏無懼，被網民封為《東張》女神。近來，何沛珈頻頻分享素顏相，獲得不少粉絲大讚皮膚狀態好，而家看上去減齡十歲，人人稱羨，相當厲害。
何沛珈接受本網訪問，她表示：「雖然呢個世界上沒有醜女人，只有懶女人，但其實就算懶懶地都可以保養到，最緊要係你做嘅嘢要啱自己。我自己比較注重清潔方面，因為成日都要化妝，同埋其實空氣入邊都有好多污染，又有塵。我嘅話首先每日就要用返適合自己嘅卸妝同埋洗面產品，最緊要唔會起粒粒又落得乾淨。呢一年我發現坊間有啲爽膚棉，即係啲化妝棉本身有爽膚水，喺搽護膚品之前拎嚟抹面，係好正，因為之後嘅護膚品唔會吸收得好啲，同埋我真係每一次抹完之後張紙都好污糟。」清潔之餘，她表示自己一星期會做一次泥漿或去角質面膜，花費不需要貴，「揀一啲啱自己膚質嘅護膚產品，其實唔使一定要貴，最緊要係啱，可能我以前就會用多少少係控油水份高嘅產品，而家我就會用一啲滋潤啲，甚至係抗皺嘅，護膚品有時真係要試先知道啱唔啱自己。面膜嘅話我都係用一啲保濕為主，其實4至5蚊塊，都幾唔錯嫁，最緊要唔好敏感。」
護膚要做足之餘，何沛珈認為生活習慣都相當影響皮膚質素，「飲多啲水，我自己一日飲2公升水，排便暢順、又會運動排汗，其實亦都對於皮膚有好大幫助，因為你身體可以排到毒素出去，皮膚當然會靚啲，亦都會少啲暗瘡，少啲暗瘡出少啲油，毛孔又會細啲。另外如果減肥減得勁，都有機會令到皮膚冇咁光澤㗎，因為適量嘅油脂其實可以幫我哋嘅皮膚儲到水，所以就算係減肥嘅人呢，我覺得都可以食返啲靚嘅油脂，例如係牛油果去維持返皮膚嘅光澤感。點解我會話懶都可以呢？因為其實好多人都會洗面，一個星期敷一次面膜，同埋你會飲水又會食嘢，但係只要每一步都做好少少就可以令到皮膚好好多！」最後一點，何沛珈認為年輕時不太注重防曬，但現時長大後，發覺防曬真的非常重要，每日都要用防曬產品，因為紫外線會令人變老。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【登記領取💰】Facesss HK$200現金券！
↓無最低消費要求～免費入手美妝護膚品🛒💗↓
