夾公仔機舖開到成行成市，梗有一間係左近，吸引不少大人小朋友。然而，隨著夾公仔玩法變得多樣，有經營夾公仔機的台主向HOY TV節目《一線搜查》報料，指有部分機台玩法涉及賭博成份。有部分機台加入了擲骰仔、轉輪盤、啤牌等玩法，例如轉到指定格仔，雖然表面上寫10QP、20QP、50QP，但得獎者可兌換成現金獎賞。立法會議員江玉歡認為政府應該立法規管，堵塞漏洞，尤其是阻截年輕人沉迷賭博。
夾公仔機玩法涉賭博 玩輪盤贏現金獎
有經營夾公仔機的台主報料，指現時很多夾公仔舖已變質，玩法滲入賭博成份。比如有機台加入撕骰子及轉輪盤玩法，「佢哋就玩擲骰仔，擲完之後就玩輪盤，輪盤有好多格，好似其中5格有錢，最少係$500，最多係$2,400，雖然上面寫住係QP，實質上唔係囉。」
《一線搜查》攝製隊到旺角的夾公仔店視察，發現下午約5時的放學放工時間，有不少人圍著這些夾公仔機，更有人公然在店內吸煙。夾公仔店舖外圍一般為傳統夾公仔機，但店內深處或較隱蔽的位置，就會發現放有骰仔、輪盤、刮刮紙的夾公仔機台，當中分別寫有「10QP、50QP」等字眼。報料人稱「譬如轉到10個QP，佢一個QP係$50，10個QP就$500，佢就畀$500你，可以現金或過數。」
至於大埔情況就更嚴重，商場內至少有5、6間夾公仔機舖，同樣顯眼位置是正常玩法的機台，一行入去就會見到涉及賭博成份的夾公仔機。其中一間銅鑼灣夾公仔店的負責人表示：「要去到黃色紙嗰面先可以有一盒咭。（呢啲咭值幾錢？）你抽中呢啲就值幾千至一萬，但係，當然係好難。（係咪可以換返錢？）賣出去咪可以換返錢。」
立法會議員倡盡快研究及規管夾公仔店
由於夾公仔店法律上不屬於公眾娛樂場所，因此不需要申請牌照，立法會議員江玉歡則認為政府應該盡快堵塞漏洞，重新審視是否需要作出規管。她指有研究顯示，小朋友如果沉迷夾公仔機，長大後沉迷賭博的機會會隨之增加，她曾目睹有家長為了方便小朋友夾公仔，在學生放學前已早早霸位，情況令人憂慮。
江玉歡續指，有國家或地區一早意識到夾公仔機的影響而推出規管措施，例如不可以在學校多少米範圍內營運夾公仔店、亦有些設立年齡限制、或者對玩法作出監管。
大律師：有賭博成分就需要領取賭博牌照
雖然夾公仔店現時不受公眾娛樂場所條例規管，但大律師李健志提醒，「若果你以輪盤、啤牌咁嘅情況，其實某程度上超越技術範疇，係賭博、我哋話有運氣成分居多。我哋剛才講，有賭博成分嘅話，已經需要領取賭博牌照先可以營運。如果沒有領取賭博牌照而繼續營運，就會構成非法營運賭場，即屬犯法。一經定罪，需要罰款500萬元或監禁7年。
大律師指，參與者玩這些涉賭博成分的機台，不論有沒有得到獎品，「都已經係喺賭場內賭博，參與者都屬違法。」若果為首次定罪將被罰款，或有機會判監3個月，若繼續參加繼續被定罪，罰則就會愈來愈高。
來源：HOY 資訊台
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
