決戰排隊黨!9個電話購票前必睇小貼士

文:
2015.06.15

俗語有話,「今時今日,買演唱會飛難過中六合彩」,啱嘅,點可能早過啲排隊黨起身先得架!唔想通宵排隊,不如打電話買飛啦,以下有9點電話購票貼士,希望幫到你!

  

1. 準備好大會指定信用卡,親戚朋友中總有一、兩個儲齊香港各大銀行信用卡,唔放心的話就自己去申請一張吧!(信用卡優先訂票適用)

 

2. 抄低信用卡號碼、安全碼、持卡人全名同信用卡到期日,無論食lunch,定抑或去廁所都隨身攜帶,一接通,即刻可以買!

 

3. 開賣時間開始前,先打一次購票電話,等電話有個紀錄,正式購票時redial就可以!

 

4. 電話購票同現場開售時間一樣,同樣係早上10時正。

 

5. 網上、app、電話購票會收取手續費每張$8,門票送遞服務費用由$5起,可以選擇平郵、掛號,或者速遞。

 

6. 購票人士亦可以選擇到購票通自助取票機刷信用卡拎飛,慳番送遞服務費。

 

7. 8點59分開始打,唔知行唔行得通,但小編見好多成功購票人士,都話自己8點59分就開始打電話,即管試試!

 

8. 改變一下打電話個beat,熱線數量有限,分分鐘過千人等一條線。如果大家都用每10秒重撥一次呢個beat,肯定jam哂線。(好似有啲道理喎)

 

9. 小編亦有試過同時間用幾個電話打,如果你測試過自己不是一個手指敏捷,頭腦轉得快的人,就專心打一個電話算啦!

 

第7至9點小貼士係小編打電話打到絕望時,睇網友的留言歸納出來,當然不包成功,如果有更好嘅方法,拜託話我知!最後贈大家一句,「你要靜候,再靜候,就算失收始終要守」,買唔到點算?咪等加場再戰囉,唔係點jack!

 

最新演唱會一覽 >>按此<< 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓