紅蝽侵襲天水圍洪水橋沙田！驚見超過100堆紅色怪蟲目擊者：無窮無盡

紅蝽侵襲天水圍洪水橋沙田！驚見超過100堆紅色怪蟲

據市民描述，紅蝽數量驚人，單是一條行人路已發現超過100堆蟲群，而且會「圍住被踩扁的同伴屍體」，形成詭異的聚集現象，他形容：「俾人踩扁咗就會有新嘅一堆圍住啲屍體。再俾人踩扁就會再多啲圍住啲屍體。無窮無盡。」根據樓主上傳的多張相片與影片可見，紅蝽似乎有「圍爐取暖」習性，一堆堆聚集令人毛骨悚然，甚狀可怕。

點擊圖片放大

網民警告：小心寵物接觸到

有網民留言指「小學見到一隻單丁仲覺得幾得意，冇見過咁紅嘅蟲，抬頭一望成個樹幹都係密密麻麻，勁恐怖」。由於紅蝽的黏液可能引發嚴重過敏，網民紛紛警告「唔好俾佢爬上身」或接觸寵物，並分享親身經歷：「前日放狗行過，見到即刻夾起隻狗走」、「大家都有養狗，小心寵物接觸到」、「唔好俾（畀）佢爬上身，或者掂到狗仔，有毒同埋好高刺激性，爬上腳經過嘅位置會有一條紅色好痕嘅痕」。

點擊圖片放大

現時除了天水圍、洪水橋等地區，有網民表示由禾輋到沙田市中心至大圍都發現蟲蹤，「喺沙田，一收工見成地都係」、「佢哋食木棉樹啲棉花，只要有棉花飄到嘅地方，都有機會出現」。

7至8月紅蝽繁殖高峰期 黏液或致過敏反應

紅蝽又稱「離斑棉紅蝽」或「赤星蝽象」，是常見的農業害蟲，但未有證據顯示它有礙公眾衞生，繁殖旺季一般為7月至8月，其黏液可能導致皮膚過敏，過往亦曾有報道指有小朋友被咬後需送入深切治療部ICU。翻查資料，康文署過往曾噴灑殺蟲水控制紅蝽繁殖，食環署提醒，市民如果不慎接觸到紅蝽的黏液，應立即用水清洗；敏感性皮膚或身體健康狀況較差的人士若接觸到黏液，會有機會出現嚴重過敏反應，應立即求醫。

+6

+5

點擊圖片放大

香港昆蟲學會副會長陳濤就表示，紅蝽不會主動攻擊人類，但若拍打可能釋放化學物質，或會令部分人產生過敏反應，建議如果「被紅蝽爬上身」可用紙或樹葉，放在紅蝽面前引導牠們離開。隨著天氣愈來愈炎熱，市民務必提高警覺。

資料及圖片來源：Threads@genos5film（授權轉載）、康文署、食環署