昔日童星「波仔」身體脹爆變肥大叔 驚揭體重飆至180磅︰我有事個女點算？

昔日童星鄧一君健康亮紅燈

鄧一君早前轉行加入保險業，但似乎過於專注事業，而忽視了健康，日前他就發文表示自己肝臟出現問題，配文道「做咗爸爸之後，我先知乜嘢叫『用健康換錢』」，坦言「以為個胃出事，點知係個肝，嗰下真係驚，自己做保險，成日都幫其他爸爸因為個肝而claim錢，如果換咗我有事，個女點算？」。

中年後一度發福達180磅

鄧一君表示自囡囡出世後，因負擔和壓力越來越大，自己則「愈脹愈殘」更「瞓幾多休息幾多都係攰，成日覺得個胃頂住」，體重曾達到180磅。其實鄧一君早前就透露過自己步入中年後一度發福，BMI明顯超標，後來為了女兒才決心減肥，嚴重管理飲食和做運動，才成功重拾健康身體。

點擊圖片放大

為女兒減肥 重回健康身形

從減肥前的照片中可見，昔日的鄧一君面型和身材非常圓潤，下顎線消失不見，幸好減肥後已重回健康身形，面色紅潤皮膚光滑，氣息非常好，而鄧一君報喜指自己的肝指數已成功由超標，回復至正常水平！

淡出幕前轉行投身保險業

鄧一君在2005年左右已退出娛樂圈，之後考獲CFP認可財務策劃師資格，現為財富管理公司總監，外界形容他為轉行最成功的前童星。​近年主要在財經與保險範疇分享理財知識，同時亦友情客串電影版《尋秦記》，再以李小超身份短暫出場。

+2

點擊圖片放大

來源︰IG@tang_1k