每年冬至，盆菜是其中一款香港家庭必食的做冬大餐之選，既不會與幾日後的聖誕大餐撞菜式，又可以一次過食到不同山珍海味。但其實過往都曾經發生與盆菜有關的食物中毒個案，食物安全中心近日就分享了5大食物安全貼士，大家做冬就可以安心享受啦！
1. 向可靠及持牌商戶購買盆菜
盆菜多數都是要預訂，大家記得要向可靠及持牌商戶購買盆菜，確保食物是有基本衛生安全保障。
2. 盆菜存放溫度
新鮮熱辣的盆菜，應該要熱存在60℃以上，而冷凍盆菜，就要冷存在4℃或以下。消委會同時提醒，食物放入盆菜之前一般都已經預先煮熟，但可能會因過早配製食材以致存放室溫過久，4℃至60℃之間是食物安全的危險溫度範圍，容易滋生細菌。
3. 徹底翻熱食物
在進食盆菜前，一定要徹底翻熱，中心溫度要達到75℃以上，或完全煮沸並再加熱約 5至10分鐘。消委會提醒，放在盆菜最上層的食物，如切雞較難加熱，或易變壞的食物例如豆腐、枝竹等豆製品也較高危，如果翻熱不夠徹底，便會較容易滋生細菌，例如沙門氏菌等，而部分細菌包括金黃葡萄球菌，可產生有害的毒素，導致食物中毒。
4. 不重覆翻熱食物
分量較大的盆菜需要較長的時間翻熱，才可令食物熱透。在加熱過程中，應不時翻轉放在上層和下層的食物，更充分翻熱食物。在徹底翻熱後，就應該要立刻進食，並要一次過食完，避免將食物重複翻熱。
5. 用公羹、公筷
盆菜多數都是大家一起進食同一盆，進食時應使用公筷和公羹，避免交叉污染。特別是疫情期間，更加要做好充分的衛生措施。
冬至的寒冷天氣，可以與家人圍在餐桌同食盆菜，互相分享、完結過去整年的辛勞，記得要好好遵守以上５大食物安全Tips，安心做冬啦！
圖片來源：消費者委員會、HKTVMALL、百佳、Unsplash
▼即睇更多健康資訊▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】八蠔吧 Raw Bar No.8 「蠔情夜宴套餐」！ ↓
↓ 生蠔 (廚師發辦) + Prosecco氣泡酒！ ↓
↓【送禮】送您Monoyono可愛寵物玩具！↓
↓主人必買！多款仿真造型／親膚布料／可以發聲～↓
評語