擔遮要考牌! 港日插畫家諷刺路人自私拎遮惡行

2022.08.26

正所謂「擔遮要考牌」,每年 7 月都是狂風暴雨旺季,容易出現「人遮」爭路情況,不如一齊重溫以下幾幅關於擔遮及收遮禮儀的插畫,提醒自己唔好做自私鬼,要有公德心顧及他人!

早於2017年,Facebook 專頁「觀塘小葉總」發佈關於「擔遮禮儀」的插圖,內有 8 幅精美插畫,教導市民 8 個擔遮的正確禮儀,令不少網民產生共鳴,基乎每年雨季都有人 repost 幫大家重溫!

濕漉漉嘅縮骨遮唔易存放,搭車時有人會選擇放在隔離座位上,但張凳濕曬其他人點坐呢?

自己上車唔駛濕,後面位乘客就遭殃!

其實是否撐起雨傘,也不應該一邊行路一邊睇手機吧!

移動雨遮尤如流動血滴子,身高較高者經常會俾矮小人士把遮督親眼及鼻!

大遮都有大遮好處,只是香港土地問題...重點是不要影響他人就好了。

又一土地問題,就算沒有落雨,在人多的路上也不應該一字排開地行。

萬一尾隨是小朋友,眼都插爆,超危險!

跪求帶遮人士留些少位置給無遮的避一避雨!

日本人向來公民質素高,想不到也有遇到類似情況,日本插畫家 haniho_kum 在 Twitter 發布幾張關於收遮及拎遮的插圖,同樣值得大家參考。

插畫家針對路人收遮後拎遮的行為,擔心遮尖或遮柄都有機會插傷人,畫出 10 幾種錯誤拎遮方法,包括打橫拎、打斜拎、上下擺動、放在肩上、掛在手袋外側、帽子或背包,甚至勾在小孩衫尾行走都有,相信港人一樣有共鳴!

他亦追加如何正碓拎遮的教學圖,其實重點很簡單,就是盡量保持雨傘垂直,就算是握著傘柄、勾在前臂上、掛在膊頭上也可以。留意當雨傘勾在前臂時,同一時間若你正在看電話,雨傘會自然向斜前伸出;在交通工具坐下時,最理想是將雨傘垂直放在兩腿中間,避免遮尖向前伸。

text/zuki
photo/經濟日報圖片庫、「觀塘小葉總」FB、Twitter@kutel4

============
同場加映:
【蝸居睇樓團】元朗520呎市中心樓!
變私人打卡cafe 展示旅遊手信+清新木系庭園風

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章