你在這裡可找到孖條、電筒糖、秘密炸髀髀，以及舒適大草地　彩虹老了但仍然充滿色彩

聽老一輩講，舊時開辦館，多數都好賺錢，辦館其實就好似而家嘅超級市場，比士多高檔一啲，會賣埋高級煙酒。

香港而家四圍都有超級市場，一條街有幾間便利店，好多辦館都捱唔住，轉型甚至執笠。

零食迷去到旗昌辦館一定好興奮，食物款式唔單止多，價錢亦都好經濟，小妹大手入貨，買咗咩遲啲講。最驚訝係發現雪糕櫃有換上新包裝嘅孖條，仲有現代小朋友唔多欣賞嘅鳳仙同牛奶樂，可惜小妹仲有地方要去，唔可以買哂佢地番屋企慢慢食。 

旗昌辦館位置：
http://hk.ulifestyle.com.hk/spot/detail.html?id=ABdGDVo3Bw1ZEwNq

球場係一個屋邨嘅靈魂，尤其是舊式屋邨，後生仔會落球場踢波，老一輩食飽飯會去散步，而家庭主婦就鍾意攞棉被、衫褲，甚至底底落去曬。

彩虹邨停車場天台有一個大球場，牆上印有「嚴禁玩球」四隻字，好奇怪，球場唔打得波，廚房唔煮得飯？小妹只係嚟吹吹風、影下相，唔理咁多。球場被彩虹色嘅樓包圍，影相好靚，特別係陽光從側面打落去嘅時候，屋邨嘅溫暖、人情味湧哂出嚟！

展示一下小妹喺辦館買到嘅手信，包括有少少藥水味嘅孖條、可以當戒指戴嘅薯圈、辣魷魚片、膠味電筒糖，仲有舊時小學小食部嘅大熱貨品之一 – 可樂味太空糖。

彩虹邨位置：
http://hk.ulifestyle.com.hk/spot/detail.html?id=ABdGDVo3Bw1ZEgNj 

曾經，小妹以為沙田坳道喺沙田，佐敦谷喺佐敦（我知廣東道唔喺廣東）；一次野餐，先知道佐敦谷原來喺彩虹。

如果你唔想山長水遠入塔門，小妹極力推薦你去位於市區，交通方便嘅佐敦谷公園，牛池灣街市前面有好多小巴、巴士都會途經公園。

公園有多片草地，地下乾淨，即使唔墊枱有坐低下都無問題，最重要係公園有一個無異味嘅公廁，超讚！

U Blog博客分享：
《[香港周圍行] 呼吸新鮮空氣之野餐 @ 佐敦谷公園》

佐敦谷公園位置：
http://hk.ulifestyle.com.hk/spot/detail.html?id=ABdGDVowBw5ZFwNv

坪石、牛池灣一帶被人稱為「美食沙漠」，餐廳唔少，但好食嘅唔多。向附近居民打探過，坪石邨玉石樓有間粉麵店嘅水餃幾好食，仲話超巨型隻喎，係咪真？

入去彬記，好多人都嗌水餃，應該無錯。如果小妹話你知一碗麵得三隻水餃，你可能會心諗係咪搵笨；咁如果我話你知三隻餃子都超巨型呢，點睇！小妹無被騙，水餃真係好大隻，皮薄饀靚，蝦肉同木耳絲爽脆。

太旺場嘅關係，小妹唔好意思慢慢食， 拿拿臨食哂三隻爆餡水餃，燙到個咀麻痺，屋企嘅小朋友唔好學。

唔好以為屋邨餐廳，又唔係連鎖食肆價錢會平啲，水餃麵一碗$27，無野飲，正常價。

彬記粥麵美食位置：
http://hk.ulifestyle.com.hk/spot/detail.html?id=ABdGDlo2Bw1ZHgNo

自從睇過區區有髀髀part 1和part 2後，時不時都諗起髀髀，好掛住佢。行完坪石邨，突然醒起每次夜晚搭車經過觀塘道，去到坪石三山國王廟附近都會見到一間地鋪特別光，直覺話我知佢係一間小食店，唔知有無髀髀呢，即刻去睇吓！

成條街黑媽媽，加上有簾幕遮蓋，燈光就好似喺帳幕入面開電筒咁，超集中超光！小妹見行過嘅人都有同老闆打招呼，應該都係做街坊生意多，邊有無聊人（即是小妹）專登去搵髀髀。 

真係有髀髀！超大隻嘅炸髀髀！$15一隻，無厚厚嘅炸粉漿，多肉，抵食！

老闆有啲怕醜，淨係肯話俾小妹知間鋪開咗十幾年，係咁多，可能小妹個look太似一名兒童（身高153cm），以為我運吉。 

順記士多位置：
http://hk.ulifestyle.com.hk/spot/detail.html?id=ABdGDVo3Bw1ZEwNr