兩餸飯越開越多，競爭激烈令不少店舖都要出招吸納食客，最近灣仔就有間兩餸飯店轉為堂食放題模式，$39的價錢即可任揀餸菜，其後白飯及素菜任添，連凍熱奶茶都可任飲。更因為此「原因」由原價$40減$1蚊，為市民打氣，食客知悉背後原因後紛紛感到窩心，大讚超有人情味又「錫街坊」！
灣仔兩餸飯變任食放題吸客
位於灣仔的一家兩餸飯店「老闆娘家常飯」最近轉營推出堂食放題，門口貼出宣傳單張指$39堂食放題，素菜無限添加、白飯任裝、凍熱奶茶任飲。店內餸菜款式多樣，例如有黑毛豬咕嚕肉、椒鹽魷魚鬚、梅菜蒸肉餅等等，絕對夠飽滿足食量較大的人士。
任食放題一推出即引起網民關注，不少都表示可以前往一試，更直言「啱我呢個飯桶」，不過有其他食客表示餐廳內的堂食座位較少，想坐得舒服闊落就要留意啦。
剛推出即減價 背後原因獲網民大讚
「老闆娘家常飯」的任食放題其實剛推出不久，就由原價$40減$1至$39。有網民於網上分享自己向店員查詢減價原因，原來是老闆有見施政報告對$2乘車優惠作修改，希望與街坊共渡時艱故減價為市民打氣。翻查餐廳社交平台，該店亦會定期參與愛心飯盒活動，為屋邨長者送贈飯盒，獲得網民大讚「良心企業」。
老闆娘家常飯
地址：灣仔軒尼詩道68-76號新禧大樓地下B舖
電話：6990 3300
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
【浪漫旅人祭🌸】登記贏禮品！
↓大派旅遊資助金💰 x 實用旅遊禮品✈️↓
打敗99.9%人！《社群》送您日本人氣角色公仔！
