踏入3月，春天嚟喇！不過更大鑊，係回南天首先出現！前幾日香港濕度達100%，地板同牆身都出晒水！而且唔少人嘅屋企，仲會出現牆身發霉，連化學博士K Kwong都唔例外，佢就喺Facebook分享咗其實呢啲牆身霉菌其實係乜嘢、對人體有乜嘢影響，當然最重要，係點樣KO牆身霉菌喇！
============
同場加映：
【家居達人】活用4種天然清潔劑拖地 防曱甴入屋！地板唔再黐笠笠！
============
K Kwong喺Facebook都分享咗每年回南天，佢自己都要面對屋企牆身發霉嘅問題，佢解釋話室內黴菌（牆霉菌）係種常見嘅室內微生物，會喺潮濕、溫暖嘅環境，例如廁所浴室、廚房、冇見窗嘅房等生長。佢嘅霉孢子會喺空氣飄浮，一黐到有水嘅地方，就可以生長，長大後菌絲會變成黑色。
化學博士K Kwong喺Facebook分享對付回南天牆身發霉嘅方法。
K Kwong表示佢自己都要面對屋企牆身發霉嘅問題。（Source：K Kwong Facebook）
不過又唔好以為呢啲霉菌除咗唔美觀，可以置之不理，其實對人體好有影響：
1.過敏反應
孢子同佢嘅代謝物可以引起過敏反應，例如呼吸道症狀/鼻敏感（咳嗽、打噴嚏、鼻塞、喉嚨痕）、皮膚敏感、濕疹
2.呼吸道感染
孢子可以進入呼吸道並引起感染，免疫力較弱嘅朋友、老人家、小朋友特別易中招
3.哮喘病人症狀惡化
如果係本身已經患有哮喘嘅人，吸入咗孢子，可導哮喘症狀惡化
4. 霉菌毒素導致免疫功能障礙
有啲霉菌產生嘅代謝物係有毒嘅，長期吸入有可能導致免疫功能、神經系統、器官功能障礙
1:49漂白水抹 即殺霉菌
究竟要點樣去除回南天牆身霉菌呢？K Kwong就分享咗以下方法：一發現有霉菌，就立即用1:49漂白水抹，咪等啲孢子深入牆壁先打理，抹嘅時候要戴口罩同通風。如果嫌漂白水嘅氣味大，可以用彩漂水，一匙羹開500mL水嚟抹。霉菌入面嘅蛋白質一黐到漂白水或彩漂水，就會立即被毀滅；而黑色菌絲亦可以俾漂白水氧化而變成淡色，無需要搵專人上面清潔。
K Kwong建議一發現有霉菌，就立即用1:49漂白水或彩漂水抹有霉菌嘅地方。
Kwong喺Facebook分享牆身喺抹漂白水前後嘅分別。（Source：K Kwong Facebook）
而萬一屋企出現黑色霉菌之後有敏感症狀，包括身痕、鼻敏感等，K Kwong建議可考慮用有 HEPA 濾芯嘅空氣清新機。
text/Joyce
photo/HKET圖片庫、網上圖片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
