《東張西望》今晚一集派出男主持魏柏豪再次採訪何伯和新何太，更特別陪伴兩人北上到深圳，直擊他們開電話直播的過程。事後，兩人受訪態度未有軟化，魏柏豪道出網民的心聲勸新何太不要多口插手事件，但新何太稱是何伯要求她發聲，至於何伯公開五仔女的個人資料及聲稱有欠債的指控，何伯態度是「你不仁我不義」，既然仔女不孝就照爆所有料。
同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
《東張西望》再一次採訪何伯及新何太，亦是自5月5日播出以來第四次親自訪問兩人，由魏柏豪出動，陪伴兩位北上到深圳餐廳進行直播，期間兩人首次在電視熒幕除下口罩，正式以真實容貌示人。沿路上，有途人找他們合照留念，亦有市民大聲鬧爆「衰格」、「破壞人家庭」等等，不過何伯和新何太一於少理，在直播期間瘋狂爆料，更將自己仔女的名字、職業及他紀錄的欠款詳情公開，誓要與仔女玉石俱焚。
兩人完成直播後，接受魏柏豪的訪問，對於何伯公開仔女資料，他勞氣鬧：「張紙係我自己寫，就鬧嗰班人反骨呀啦，養大五個有鬼用呀？而家攞走啲錢，利息都冇得畀，本來食利息都食到夠凸啦！」何伯未講完，身旁的新何太如直播時一樣，不斷加鹽加醋，似怕何伯唔夠嬲一樣，何伯續鬧：「佢折磨我，就唔怕我爆啦，而家咁樣一Check，佢連工都冇得做呀喇！佢兩頭家，犯法呀嘛！嗰邊仲生對龍鳳胎，死唔死？係我詐唔知，佢阿媽當年都係知道呀，細佬妹都知道，我係扮唔知。佢爆我，我咪爆佢囉，佢咁不孝我咪爆佢囉！佢話：『你唔好再爆咁多，我連工都冇埋！』佢咁話我呀嘛，佢咁對我，唔當我係老竇，就爆佢出嚟，將佢（職位）拉落嚟，（驚爆咗影響仔女？）會呀，影響呀，咁佢都唔顧我，我點解要顧佢？我帶佢嚟呢個世界呀，佢哋點對我，我點對佢哋！佢哋養我？唔問我攞錢就偷笑啦！」訪問期間，新何太瘋狂插嘴，而且不斷煽風點火，全程同何伯疊聲，真係辛苦字幕組，新何太不斷喃喃自語：「邊有人咁樣折磨自己老竇呀？」、「我理解佢點解咁嬲！」、「佢哋真係好殘忍」、「攞走晒所有嘅錢，連利息都唔畀佢賺」、「佢老婆都忍佢十幾年啦」等等。
魏柏豪都忍不住指新何太不斷挑撥離間，會否選擇不介入何伯的家庭事，好令事件和平解決？新何太說：「話我挑撥離間，咁真係誤會晒啦！（唔好介入咁多？）呢個係我老公要我出聲，如果我都唔發聲，就冇人理佢、冇人支持佢！等佢自己一個人真係會死咗！其實又唔係我想要佢啲錢，係佢需要攞番自己啲錢，覺得有錢揸手就有安全感，生活到，對自己有個保障，因為佢年紀大都搵唔到錢。」
繼麥美恩嫌何伯和新何太厭悶之後，今晚《東張》廠景主持區永權在報道完何伯片段後，都忍不住語中帶骨說：「有啲故事，有啲角色當初係好鍾意睇，睇到咁上下就覺得，係時候停一停唞一唞。」未知是否意味《東張》對何伯、新何太的報道將會暫告一段落。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
