$33學校飯盒色香味欠佳！港媽力數4大罪狀狠批「當學生係咩」！網民嚇窒：監房飯都好過呢啲

港媽狠批$33學校飯4大罪狀

港媽在社交平台Threads發文，指自己今日剛好忘了向學校合約飯商取消飯盒，結果小朋友便帶了學校飯盒回家。當日小朋友訂的是「英倫鮮茄豆蓉蛋堡粟米飯」，售價為$33，港媽不想造成浪費便試食了飯盒，卻發現味道及賣相均欠佳，令她不禁反問一句「究竟當啲學生小朋友係咩...」，並怒批這個飯盒的4大罪狀。

▼港媽狠批飯盒4大罪狀▼

+3

+2

點擊圖片放大

校園劣食？港媽試食後大感失望...

港媽試食後大感失望，她形容飯盒內的食物：「汁係溝稀左既茄汁豆，菜係白烚冇味，個蛋堡就係就咁一得圓形造型既蛋」，整體味道欠奉，賣相亦乏善可陳，整個飯盒毫無吸引力。同時她也補充道，指今年學校飯盒轉了一間新的飯盒供應商，本以為價錢貴一點，飯盒質素會有所提高，「其實佢個價唔低嫁喇，上年$30，今年轉左第二間，加左價以為好食啲，點知...」。

對此，港媽深感無奈，她說：「真係唔想辛苦自己食落去」，但又不想在小朋友面前丟棄飯盒，浪費食物，令她不知道如何是好。

網民：學校飯作用只係維持生命

事件一出，大批家長紛紛留言討論，「邊間嚟架，真係好唔掂」、「衰啲講句監倉飯都好食過學校飯」、「學校飯作用只係維持生命」、「將啲人類食嘅食物煮到狗都唔食」。有家長憶述自己讀書時期曾被逼到要哭著吃完飯盒的經歷，「教畜仲要逼人食哂，嗰陣食到喊，唔好再訂飯啦自己煮啦！」、「就係呢啲垃圾飯搞到我嚴重心理創傷」。

有網民則批評供應商是奸商，「懷疑盒飯成本有冇6蚊」、「呢啲$33？食完學校畀返$33我就差唔多」、「飯盒供應商一向都係暴利，小小飯、汁、肉就成35、36一個」。然而，有家長從成本角度分析，指出學校午餐其實涉及食品安全、配送、包裝、營養配比等多重工序和監管要求，33元可能只是維持運作的底線，也有移英家長留言：「我個仔嚟咗英國之後，話好掛住香港小學午餐，話英國學校餐難食一百倍。」

▼網民點睇▼

+11

+10

點擊圖片放大

學生寧願挨餓都唔食學校飯？

學生飯盒的質素問題持續引起社會關注，早前Hoy TV節目《一線搜查》亦就此作出報道，不少家長反映在學校預訂飯盒很參差，更有學生因為飯盒味道不佳或賣相差強人意，寧願挨餓也不願進食，甚而導致飯盒被浪費。

立法會議員曾提出質詢 惟教育局態度欠積極

此情況引起立法會議員關注，其中蘇長荣議員曾質詢教育局要求徹查及改善相關問題，獲教育局書面回覆指「根據衛生署編製的《學生午膳營養指引》，目的是確保中小學生能夠進食營養均衡的學校午膳，供應生長發發育所需的營養」，同時也鼓勵學校安排家長參與商議飯盒評估，以及實行現場派飯，安排供應商在校內烹調白飯、蔬菜、加熱其他肉類。

對於教育局的回覆，蘇長榮認為教育局態度欠缺積極，答非所問，僅關注「基本營養」卻忽視了學生的實際就餐需求，令問題未能有效解決，他對於這個回答是不滿的。

註冊營養師：汁汁醬醬真係要少

到底學校飯商在飯盒營養配搭上有甚麼規定呢？節目中，《一線搜查》找來註冊營養師葉俊言，他指出目前教育局已列出相關指引，鼓勵飯商如何選擇食物，設計健康飲食飯盒。同時，他認為一個理想的學生飯盒，需要有足夠的碳水化合物、蛋白質，但最重要是要低脂肪，「汁汁醬醬真係要少，額外熱量係容易導致體重過高」，還有的是蔬菜瓜類，為身體提供足夠的纖維。

來源：Threads、節目截圖